تحشيش ع شكل نكات أــدخل وأشــبــع ضحـك

أقـوى ألنــكـات

حكمة اليوم : اشتريلك بايسكل حتى بالازدحام لاتنشتل

شنو وجه التشابة بين الفانيلة والشرطة؟؟؟؟ اثنينهم داخلية

أكو كردية تحب واحد بالإطفاء حرگت بيتها حتى تشوفه ....طلع الأفندي مجاز

أنتي دبابة أنتي همر أنتي أحلى من الگمر لو شافچ الگلب صار عبوة وانفجر

تلبس دشداشة يكتلك كردي.. تلبس شروال يكتلك عربي... تلبس حكومي يكتلوك الإرهابيـين .. تلبس مدني تكتلك الميليشيات.. ما تلبس شي يكتلك البرد ...الله يكون بعونك يا عراقي

واحد كردي مر من يم مزرعة أبقار ، سأل الفلاح گله شنو أنتو تزرعون أبقار ؟ جاوبة الفلاح ، ناصب علي ، گله إي نرش شكر عالگاع وثاني يوم يطلع بقر....راح الكردي رش شكر واجة ثاني يوم لگة الگاع مليانة نمل ، گال : الله شگد البقر حلوين من همة زغار

وحدة كردية إتصلت بموظف البدالة وگالت له : أريد رقم الطوارئ .. گاللها إتصلي على تلث تسعات .. گالتله : بس تلفوني مابيه غير بس تسعة وحدة ...گاللها وهو مستهزئ : هاي شبيچ إنتي كرديه؟ ..گالت : إي شلون عرفت ؟ شنو عدكم كاشف؟

فد مرة جاهل شاف سوداني جاهل ديرضع من صدر أمه گله أضرب دتشرب كاباتشينو
.
واحد سأل صاحبه: شنو أخبار الوالد؟؟ بعدين تذكر أنو والده ميت فكمل بسرعة : بعده بنفس المگبرة ؟؟

محشش دخل عزا گعد يم واحد گال له عزيت ؟ گال لا عالديزل
فد عُربي راح مطعم لحم بعجين كردى ، طلب لحم بعجين . العامل جابلة بس عجين أكلة وسكت . رد طلب مرة ثانية جابلة نفس الشي . گلة متگلى ليش دتجيبلي بس عجين ؟ گلة الكردي لعد إحنة من چنة نجي لبغداد نريد صابون رگي ليش تنطونة الصابون وتاخذون الرگي؟

چلب ضاج من حياته بالعراق وين ميروح يطردوه يروح للمزبلة ماكوعظم فگال أحسن شي أطلع للخارج . راح لتركيا . بتركيا استلموا دلال بدلال أكل وسبح وعظام . فضاج هذا الچلب گال أرجع للعراق . بالحدود لگه چلب ديطلع من الحدود گاله إرجع حبيبي ترى ما تحس نفسك چلب إلا بالعراق

فد هندي گعد من النوم يصرخ ويصيح نهي ربي نهي...سألوا : خير؟؟ گال حلمت آني عراقي

كردي اشترى تنكر مي...راح للخطاط گله إكتبلي علي جاسم للشرب....الخطاط گله بابة شنو هالحچي ؟ مترهم . الكردي گال لعد ليش صالح إبن عمّي كاتب عالتنكر مالته صالح للشرب