يكولون المصلاوه بخلاء

يكولون المصلاوه بخلاء

طبعا اني ما متاكد انه المصلاوي بخيل بس اسمع هيج طبعا بالمناسبه اذاناتي مو كبار كلش حلوه متوسطه
الحجم ويوميه انضفها بالقطن والنفط واكو هاي اللحمه بنهاية الاذن فد ناعمه مال تكرص ويسولها جك جك جك
من اطلع بالشارع الانكليزيات يكضون ورايه علمد هاي اللحمه يسون جك جك جك لو كل جك اخذ باون عليها
جان اني هسه مليونير نرجع للموضوع مالتنه

يكولون بخلاء حتى سمعت واحد مصلاوي راد يصبغ الغرفه مالته الي تتكون من 4 حياطين صبغ حايط واحد
و 3 الحايطين كتب عليها كتابه نفس لون الصبغ مال الحايط الاول المصبوغ حتى يوفر بالصبغ هاي همه يكولون
اني ماحجيت بلساني صدك بالمناسبه لساني فد حلو مابيه حبوب ناعمه املس ناعم عبالك مرمر ابطالي وهم مو طويل
متوسط الطول نرجع للموضوع مالتنه

يكولون ب خلاء بس اني اتعرفت على ابنيه من الموصل مصلاوي بيتهم بالسماوه وين الصويره هي يم الحله بالضبط
كلش خوس ابنيه رادت اترد الجميل اليه لانه اني ساعدتها فد يوم شفتها بالشارع خطيه تمشي بالشارع وماتعرف الرصيف
وينه واني لانه ذكي وطبعا راسي مو جبير بالعكس عبالك راس قرص القمر من تشوفه من بعيد المهم لانه ذكي كتلها
اختي الرصيف هذا يمج جان تكول شكرا اخي ولا جنت اعرف الرصيف هذا المهم كالت لازم اعزمك على بيتنه بالموصل
ورحت للعزيمه وكالت اعزمك على طلي اني اندهشت كلت معقوله مصلاويه وتعزمني على غده طلي اذن المصلاوه
مو بخلاء حتى سئلت ابو المحل قبل لا اسافر كتلها نازله قواطي طلي اني عبالي راح تشتري قوطيه لحم طلي وتحسبها
عليه ذبيحه كال لا ماكو هيج بس اكو لحم بوليبيف كتله شنو هذا مسلسل مكسيكي كال لا لحم بقر

المهم رحت للعزيمه مال المصلاويه ودخلت الببت كلت اليوم اضرب لحم طلي الى ان انفخ واني كاعد جان تجيب
الغده زند مال طلي مشوي اويلي اشو حطته واني اسمع صوت اموووع امووووع اموووع كلت شنو هاي انين
صوت انين كتلها عدكم مريه جبيره مريضه كالت لا اشو مديت راسي من الشباج شفت الطلي كاصين الزند مالته
وحاطيله مغذي ويمه قنينه مال اوكسجين كتلها شنو هذا الطلي طاكه عليه بعروره ناسفه كالت لا مو اني عازمتك
على طلي كصيت منه شويه بس الزند وحطيتله مغذي حتى يعيش للعيد مال الاضحيه هم اكص منه شويه ويبقه
عايش الى العيد الي بعده عاد اني كتلها الله ينطيه العافيه ويعمر ويعيش الى يوم الثالث مال فاتحه واحد من كرايبكم
هم تحتاجون لحم

وره شويه جابتلي حبه بيضه ويمها نقطع حمره كتلها هذا شنو كالت هذا تمن ومرق كتلها والله تمن ومرق
كالت الف عافيه وين مايسري يمري كتلها هاي المركه النقطه مال شنو باميه لو بذنجان كالت لا بس طماطه
تعرف ان الله لا يحب المسرفين كتلها اللهم قوي ايمانك يارب عاد جيبيلي دولكه مال ماي اخاف اغص باللكمه
راحت وجابت بخاخ مال ماي وكالت اذا غصيت انطيك بختين اثنين مو ثلاثه كتلها اي اثنين مو ثلاثه اخاف
نغرك يمعوده كتلها عاد اكو جاي وره هذه المادبه مال الغداء كالت ان الله لايحب المسرفين كتلها عمي اللهم
يقوي ايمانك صدك متدينه
تحياااااتي
اخوكم
فاديم