دارميات 1

موضوع: دارميات 1 الأربعاء فبراير 11, 2009 5:59 pm

دارميات
بجيت وصلت للموت شو مات حبيبي --- عود من اموت تكول من عمت عيني.
كلب طلع جا اسود فحم --- لا بيه مروه ولا بغدره رحم.
كلبي محطة شوك والحب صفاتي --- لو ما لكيت طراش بكلبي بابي.
متعجبه هالنسوان براغب علامه --- شو ذاك الوليد يسواه هو عمامه.
شيب طلع بالراس واني بشبابي --- ليش اتريده الروح ويقلل عذابي
رش بالدرب تيزاب حافي لجيلك --- جا شلي بالرجلين الما تجيلك.
نتكابل اني وياك ونكعد سويه --- وشكد حملت اهموم ذبهن عليه.
من السما للكاع ذبتني دنياي --- خايف اكولن اخ تشمت عداي.
حيل اريد اهين الروح وشبعه مذله --- ما مشت مثل الناس ربتلي عله.
مسكت القلم كي اشكي همومي --- فبكى القلم قبل ان تدمع عيوني.
ثاري البنات اشكال مثل الطماطه --- منهم تخون بساع ومنهم زلاطه.
اسود لبستي ليش مات التحبينه --- لو صار الحزن موديل وعجبج تلبسينه.
كزن انكلب دكتور وكشف عليه --- وبحجت الابره الزم اديه.
كون انكلب عصفور فوك المعسكر --- وبحجت التدريب بوسه من الاسمر.
كون انكلب دنبوس ابنطرونه --- كل البنات اتروح فده لعيونه .
هذا القطار الجاي جندي عالجندي --- اشلون اعوف اهواي وهدومه عندي.
اسود بعيون الناس بعيوني تبني --- واحد من اهل البيت حسبالي ابني.
اذا غاب جسمي فالدهر غدار --- فاكتب خطي فهو احسن تذكار.

تقبلوا تحياتي وامنياتي
شكرا شكرا