* شعر شعبي عن آحتـلال العراق *

بقلم الشّاعر الشّعبي /
خضيّـــر هــادي :

*************

أكلوْ حتى السعف والتمر والجمار ..... وبقـت بس الجذع مشتعلة بيه النار
وهنانة گعدو سيطرو عالآبار ....... وطبو للمتاحف وباگــو الاثار...
معروف الرصافي تطوقة دبابات .... والسياب باگــو منّـــــه كومة اشعار
خلّــو بالطريق اسلاك يابو اسلاك .... كونكريتية وسيامة ها
خلو بالطريق اسلاك يابو اسلاك وبغداد الحبيبة لبسوهة سوار
احتلو كربــلا اويلي على كربلــلا وميسان والحمزة وعلى حس القنابل نامت العشار
احتلو الموصل والنجف والفاو وبركبة البصرة حدو المنشار
عراقيين واسفة الزمن بينة اندار ......
شاهد انا عالجرى وشاهد انا عالصار ... ياهو الي يطفي شعب مشتعلة بيه النار ......
صعدنا فــوگ السطح نباوع على الطيار ابو الاباتشي الطيار انعل ابو لابو الدزة علينة ....
ومنين طار من يا منطقة .......
صعدنا فوگ السطح نباوع على الطيار بگلبــه ماكو رحم فلّــــش علينــه الدار...
امى كتاهـــه القصف .... هنا ماتو اخوانى وصاروخ اجـه من بعد فلشلي
جيراني شاهد عيان الزمن ياناس خلاني ماعدنة غير الصبر
وفــوگ الصبر دنفوت من يرضى هذا الوطن يتخــلى في تابوت
مَـيموت هذا البلد ماطول اكو عراقي .......
مَـيموت هذا البلد لا لا .... أبد مَـيموت يا عالم اسمع بعد صوتي
وانفاسي وطني حبيبي وهلي وكل ربعي وناسي .....

*****************************

» شعر شعبي عن العراق واحتلال العراق
» شعر شعبي (ابوذية M,A,M)الالقوشي
» خذني شعر شعبي روعة

إرسال الصورة

*** شعر شعبي عن آحتـلال العراق ***

* شعر شعبي عن آحتـلال العراق *