أبوذيـــــــــات من أختياري

حبيت انزل مجموعه من الابوذيات من أختياري
أتمنى أن تعجبكم
نسيت وتيهت روحي وهم بيك
وحسافه العمر ضيعته وهم بيك
خويت وضيعت ناسي وهم بيك
اطلعت جداب وهم تضحك عليه
.........................
انه أول أحبك وأخر أني
والسبب عطلني صدك وأخراني
الكلب من ردت أشبكك وخراني
وركض هوه يشبكك قبل أديه
..........................
وكع كلبي بغرامك ماتشيله
ترى كلبي تعذب ماتشيله
اخابر وأنت تسمع ماتشيله
وينك ياحلو بس رد عليه
.........................
عليك وما أظن شخصك علاني
لان بس فركاك ياصاحب علاني
أزعلك ماأكدر علي أني
أذا أزعلتك أنه أزعل عليه
..........................
فراكك حبيبي دمرنا ومردنا
بس مره أقترب مني مردنا
منك رايد بس مسج مردنا
منك بوسه وحضنه قويه
...............................
جم حسرة على شوفتك حاصرتني
غبت وخيول هجرك حاصرتني
الك عبره شكبرها حاصرتني
بكبر طركاعتي الطاحت عليه
................................
غزل عينك رهن روحي ......وجرهه
وشعل نيران البكلبي .....وجرهه
أريد أتمسك بشفتك ......وجرهه
ونقل الذنوب البيك بيه
.........................
يحلو الاطباع واصلني وقارب
ماعندي اهل بعدك وقارب
سفينه بالبحر ردتك وقارب
تشيل الحمل من يصعب عليه
............................
شهر سيف الهجر ضدي وسله
نساني وراح ويه غيري وسله
عنب ماحصلت منه وسله
طلع ذيب وكتلني أربات ايديه
..............
أتمنـــــى أن تنـــــال أعجابكم
شمعة المنتدى